கள்ளக்குறிச்சி மக்கள் வழங்கிய நிவாரணப் பொருட்கள் அனைத்தையும் கடலூர் மாவட்டம் கம்பளிமேடு கிராமத்திலும் பூதங்குடி கிராமத்திலும் வழங்கிவிட்டோம்.

இரண்டு ஆறுகள் கடலில் கலக்கும் கடைகோடி இடத்தில் உள்ள இந்த கிராமங்களை அடைய கடலூரில் உள்ள நண்பர் டாக்டர்.ஸ்டாலின் உதவி செய்தார்.

நேரிடையாகவும் மறைமுகமாகவும் உதவிய அனைத்து நல் உள்ளங்களுக்கும் நன்றி! நன்றி! நன்றி!….

காங்கிரஸ் கலாட்டா- காத்திருக்கும் அ.தி.மு.க

தனது டிரேட்மார்க் கோஷ்டி யுத்தத்தால் மீண்டும் அரசியல் களத்தின் கவனத்தை ஈர்த்திருக்கிறது தமிழக காங்கிரஸ் கட்சி. பிரதமர் மோடி – முதல்வர் ஜெயலலிதா சந்திப்பு குறித்து கூறிய ரசிக்க முடியாத வார்த்தைகளுக்காக அ.தி.மு.க.வினரின் எதிர்ப்புகளை சில மாதங்களுக்கு முன் எதிர் கொண்டவர் தமிழக காங்கிரஸ் இளங்கோவன். இந்த விவகாரம் அமுங்கிக்கிடக்கும் நிலையில், இளங்கோவ னுக்கும் மகளிர்  காங்கிரஸ் தலைவியுமான விஜயதாரணிக்குமான மோதல்கள் உச்சகட்டதை எட்டியுள்ளன.  இந்த சர்ச்சை குறித்து சோனியாவிடம் புகார் தெரிவிக்க விஜயதாரணியும், விளக்கமளிக்க இளங்கோவனும் டெல்லியை முற்றுகையிட, இரு தரப்பையும் தனித்தனியாக சந்தித்து, டெல்லி வரை  தமிழக காங்கிரசின் மானம் காற்றில் பறப்பதைக் குறிப்பிட்டு இருதரப்பையும் கண்டித்திருக்கிறார் ராகுல்காந்தி.

கடந்த 19-ந்தேதி, இந்திராகாந்தி பிறந்தநாளை சத்திய மூர்த்திபவனில் கொண்டாடியது மகளிர் காங்கிரஸ். இதற்கான பேனர்களில் இளங்கோவன் படம் சிறிதாகவும், விஜயதாரணி படம் பெரிதாகவும் இருப்பதைப் பார்த்து, இளங்கோவ னின் ஆதரவாளர்களுக்கு ஆத்திரம் பொங்கியது. அந்த பேனர்களை கிழித்து, அதிலிருந்த இளங்கோவன் படத்தை அகற்றிவிட்டு, விஜயதாரணி படத்துடன் சத்தியமூர்த்தி பவனின் டாய்லெட்டில் வீசி எறிந்தனர். இது விஜயதாரணி தரப்பை செம டென்ஷனாக்கிவிட்டது.

இந்த நிலையில், நவம்பர் 29-ந் தேதி சத்தியமூர்த்தி பவனில் இளங்கோவன் இருப்பதையறிந்து மகளிர் காங்கிரஸ் நிர்வாகிகள் சாந்தஸ்ரீனி, மானசா ஃபாத்திமா ஆகியோருடன் வந்த விஜயதாரணி, “”அந்த ஆள் இருக்கிறாரா?” என ஆவேச குரல் எழுப்பிக்கொண்டே இளங்கோவனின் அறைக்குள் நுழைந்தார். அனுமதியில்லாமல் தனது அறைக்குள் விஜயதாரணி நுழைந்ததை கண்டு டென்ஷனாகிவிட்டார் இளங்கோவன். அதன்பிறகே அச்சில் ஏற்றமுடியாத அத்தனை வார்த்தைகளும் இருதரப்பிலும் எதிரொலிக்க ஏக களேபரம்.

இதுகுறித்து விஜயதாரணியிடம் நாம் பேசியபோது, “”இளங்கோவனின் ஆதரவாளர்களின் அநாகரிகமான செயல்களுக்கு விளக்கம் கேட்டு நடவடிக்கை கோரத்தான் நான் சென்றேன். ஆனா, நான் என்ன சொல்ல வருகிறேன்னு கேட்க கூட  அவருக்குப் பொறுமையில்லை. எடுத்த எடுப்பிலேயே, “ஏய், வெளியில போ. தெரு நாய்க்கெல்லாம் பதில் சொல்ல முடியாது’ன்னு ஆரம்பிச்சு மிக மோசமான,  தரக்குறைவான வார்த்தைகளால் திட்டினார். தலைவர்ங்கிற பொறுப்பான பதவியில இருந்துக்கிட்டு இப்படி பேசுவது சரியில்லை என்று நான் சத்தம் போட, அப்போதும் அவர் மோசமாக திட்டுவதை நிறுத்தவில்லை. எனக்கு நியாயம் கிடைக்கும் வரை இங்கிருந்து போகமாட்டேன்னு சொல்லி அங்கேயே உட்கார்ந்துவிட்டேன். அதனால், எங்களைத் தள்ளி வெளியேற்றினார்கள் அவரது ஆட்கள். மகளிர் காங்கிரஸ் தலைவியாக இருக்கும் எனக்கே, இங்கு பாதுகாப்பில்லை என்றால் மற்ற பெண்களுக்கு? அதனால்தான், எனக்கு நடந்ததை புகாராக சோனியா மற்றும் ராகுல்காந்திக்கு எழுதியதுடன் பெண்களை இழிவுபடுத்தும் இளங்கோவனை மாற்றுங்கள் என கோரிக்கை வைத்தேன்” என்கிறார் ஆவேசமாக.

விஜயதாரணியின் யோசனைப்படி, இளங்கோவன் மற்றும் அவரது ஆதரவாளர்கள் எம்.எஸ். திரவியம் (வர்த்தக அணி தலைவர் பதவியில் வசந்தகுமாருக்குப் பதில் நியமிக்கப்பட்டவர்),  பிராங்க்ளின் பிரகாஷ், பொன்பாண்டியன் ஆகியோர் மீது   அண்ணாசாலை காவல் நிலையத்தில் புகார் கொடுத்தனர் சாந்தஸ்ரீனியும் மானசா ஃபாத்திமாவும். சாந்தஸ்ரீனியிடம் நாம் பேசியபோது, எடுத்த எடுப்பிலேயே, “”பேனரை கிழிக்கச்    சொன்னதே நான்தான். வெளியில  போ’ன்னு இளங்கோவன் ஒருமையில் திட்ட, அப்போது அவரது ஆட்கள் எங்களை பிடித்து வெளியே தள்ளினார்கள்.  அசிங்கமாக நடந்துகொண்டனர். இதனை ஜீரணிக்க முடியாமதான் போலீசில் புகார் கொடுத்தோம்” என்கிறார்.  இந்த புகாரின் அடிப்படையில், அசிங்கமான வார்த்தைகளால் பேசுதல், தாக்குதல், அவதூறாக பேசுதல், கொலை மிரட்டல், பெண் வன் கொடுமை தடுப்பு சட்டம் ஆகிய 5 பிரிவுகளில் வழக்கு பதிவு செய்திருக்கிறது காவல்துறை.

ஈ.வி.கே.எஸ். இளங்கோவனிடம் நாம் பேசியபோது, “”எனது அறையில் நிர்வாகி களுடன் பேசிக்கொண்டிருந்தேன்.  விஜய தாரணி சத்தம் போட்டபடியே வந்தார். “அமைதியாக இருங்கள். புகாரை எழுதிக் கொடுங்கள். விசாரிக்கிறேன்’னு சொன்னேன்.  கேட்கவில்லை. தொடர்ந்து சத்தம் போட்டுக்கொண்டே இருந்ததால், வெளியே போங்கள்னு சொன்னேன். அதையும் மதிக்காமல் எனது அறைக்குள்  உடகார்ந்துகொண்டு வாய்க்கு வந்தபடியெல்லாம் அவர் சத்தமாக பேச, நான் வெளியே போய்விட்டேன். இது தான் நடந்தது. என் மீது புகார் கொடுத்திருக்கிறார். அதனை சட்டப்படி சந்திப்பேன். இதுக்கெல்லாம் பயந்தவன் நானில்லை” என்கிறார் தனக்கே உரிய இயல்புடன்.

சம்பவத்தில் தொடர்புடைய எம்.எஸ். திரவியத்திடம் நாம் விசாரித்த போது, “விஜயதாரணிதான் திட்ட மிட்டே இந்த சூழலை உருவாக்கினார்’ என்று குற்றஞ்சாட்டியவர்,  “”விஜய தாரணிக்கு பின்னால் ஆளும் கட்சியும் எங்க கட்சியிலுள்ள சிலரும் இருக்கிறார்கள். பேனர் கிழிக்கப்பட்ட விவகாரம் 19-ந்தேதி நடந்தது.

அப்போது விஜயதாரணி ஆட்கள் மன்னிப்புக்கேட்டுப் போனார்கள். பிரச்சனை சுமுகமாகிவிட்டது. ஆனா, 10 நாள் கழித்து விஜயதாரணி ஆவேசப்படுறார்னா என்ன அர்த்தம்? அவர் இயக்கப்படுகிறார். அதனால்தான், கம்ப்ளைண்ட் கொடுத்த உடனேயே எஃப்.ஐ.ஆர். போடப்படுகிறது” என்றார் விளக்கமாக.

இந்நிலையில்,  விஜய தாரணியின் நடவடிக்கைகளை கண்டிப்பதுடன், அவரை நீக்க வேண்டுமென காங்கிரசின் 61 மாவட்ட தலைவர்களில் 49 பேர் கூட்டறிக்கை வாசித்துள்ளனர். இதில் யாருடைய கையெழுத்தும் பெறப்படவில்லை. இதனையே டெல்லி தலைமைக்கு அனுப்பி வைத்திருக்கிறார் காங்கிரஸ் ஊடகத்துறை தலைவர் கோபண்ணா. கூட்டறிக்கையில் இடம்பெற்றுள்ள வடசென்னை மாவட்ட தலைவர் ராயபுரம் மனோ, “”மகளிர் காங்கிரஸ் தலைவராக வும் எம்.எல்.ஏ.வாகவும் இருக்கிறார் விஜய தாரணி. அந்த பதவிகளுக்குரிய பொறுப் புணர்வோடு நடந்து கொள்ள தவறுகிறார். மாநில தலைவர் மீதே சேற்றை வீசியிருப்பதை பொறுத்துக்கொள்ள முடியாமல்தான் அவரை நீக்க வலியுறுத்தியிருக்கிறோம்” என்கிறார்.

இந்த களேபரங்கள் குறித்து நாம் மேலும் விசாரித்தபோது, காங்கிரசில் நடிகை குஷ்புவுக்கு இளங்கோவன் தரும் முக்கியத்துவத்தை ஆரம் பத்திலிருந்தே விஜயதாரணி விரும்பவில்லை. அவர் தனித்து செயல்படுகிறார்.

மகளிர் காங்கிரஸ் தலைவர் என்ற முறையில்கூட கட்சித் தலைவரைக் கலந்தா லோசிப்பதில்லை. இந்த சூழலில்தான், இளங்கோவ னுக்கு எதிராக ஏற்கனவே டெல்லி வரை எதிர்ப்புக்கொடி பிடித்த கோஷ்டி தலைவர்கள் விஜயதாரணிக்கு ஐடியா கொடுக்க, அதை கெட்டியாகப் பிடித்துக்கொண்டார். இந்த விவகாரம் ஆளும் கட்சிக்கும் தெரிய வர,      இன்றைய நிலையில் தி.மு.க கூட்டணியில் சேரக்கூடிய ஒரே கட்சி காங்கிரஸ்தான் என்பதால் அதன் உள்புகைச்சலை சாதகமாக்கிக் கொண்டது. காங்கிரசிலிருந்து சில பெண்கள் புகார் கொடுக்க வருவார்கள். அப்படியே பதிவு செய்து எஃப்.ஐ.ஆர். போடுங்கள் என மேலிடத்திலிருந்து அண்ணாசாலை போலீஸ் ஸ்டேசனுக்கு உத்தரவு வர, அதன்படியே வழக்கு பதிவு செய்யப்பட்டது என்கிறார்கள் சென்னை மாநகர காவல் துறையினர்.

இந்தப்  புகாருக்குப் போட்டியாக, இளங் கோவனின் ஆதரவாளரான மகளிர் காங்கிரசின் துணைத்தலைவருமான ஆலீஸ்மனோகரி, தனது சாதியை குறித்து இழிவாக திட்டினார் என விஜயதாரணி மீது வன்கொடுமை தடுப்பு சட்டத்தில் புகார் கொடுக்க, அதுவும் பதிவாகியிருக்கிறது. இந்த புகார் சம்பவங்களை, தலித் தலைவர்கள் கண்டிக்கவே செய்கிறார்கள். விடுதலை சிறுத்தைகளின் பொதுச்செயலாளர் ரவிக்குமார், “”தலித் மக்களின் பாது காப்பிற்காக இயற்றப்பட்ட வன்கொடுமை தடுப்பு சட்டத்தை உங்களின் சுயநலத்துக்கு பயன் படுத்துவதை தயவு செய்து நிறுத்துங்கள்” என ஆவேசப் படுகிறார்.

டெல்லி காங்கிரஸ் தலைமை யின் நடவடிக்கைக்குப் பிறகே, இந்த புகார்களின் மீது வேகம் அதிகரிக்கும் என்கிறது போலீஸ் வட்டாராம்.

மீண்டும் கதிகலக்கும் நித்யானந்தா டீம்

லீலைகளுக்கு அஞ்சாத நித்யானந்தா , மீண்டும் ஆன்மிக மடங்கள் சில வற்றை ஆக்கிர மிக்கும் முயற்சியில் ஜரூராக இறங்க, இதைத் தொடர்ந்து பொதுமக்களுக்கும் அவர் ஆட்களுக்கும் இடையே அடிதடி கலாட்டாக்கள் அரங்கேறி வருகின்றன.

“இளைய ஆதீனம்’ என்ற பெயரில் மதுரை மடத்தை ஆக்கிரமித்த நித்யானந்தாவை மக்கள் எதிர்ப்பால் துரத்தியடித்த மதுரை ஆதீனம் “”என்னை மயக்கினார்”’என பகீர் புகார் வாசித்ததோடு, “”நித்தியால் உயிருக்கு ஆபத்து” என்றும் அப் போது நீதிமன்றத்தில் முறையிட்டார். இதன்பின் ஓய்ந்திருந்த ஆக்கிரமிப்புக் கலாட்டாக்கள் மீண்டும் வேகமெடுத்துள்ளன.

வேதாரண்யம் வடக்கு வீதியில் இருக்கும் சாதுக்கள் மடத்திற்கு 26-ந் தேதி மாலை வந்த நித்தி ஆட்கள் தடுக்கப்பட்டனர். அவர்கள் அத்துமீறியதால் பொதுமக் கள் அவர்களை அடித்து விரட்டினர். இதில் சீடர் ஒருவர், தான் தாக்கப்பட்ட தாக மருத்துவமனையில் அட்மிட் ஆனார். இது குறித்துப் பேசிய நித்தியின் பெண் சீடரான  சுப்ரியானந் தா “”கரூரைத் தலைமை யிடமாகக் கொண்ட ஆத்மா னந்தா மடத்துக்கு நித்யா னந்தா 2 கோடி ரூபாய் கொடுத்தார். அதற்கு ஈடாக மடத்தின் உரிமை எங்கள் கைக்கு வந்தது. நாங்கள் டிசம்பர் 11 வரை இந்த மடத்தில் தங்கியிருந்து பூஜை செய்ய நீதிமன்றத்தில் அனுமதி பெற்றிருக்கிறோம். இதை நாங்கள் சும்மா விட மாட்டோம்”’என்றார் காட்டமாக.

வேதாரண்யம் சாதுக்கள் மடத்தில் நாம் சந்தித்த ஞானா னந்தாவோ, “”ஆத்மானந்தா மடத்தின் கீழ்தான் திருவாரூர் மடப் புரம் சோமநாதசாமி மடம், பஞ்ச நதிக் குளம் மடம், இந்த சாதுக்கள் மடம் போன்றவை உள்ளன. சேலத் தில் இருக்கும் எங்கள் சாரதா கல்லூரிச் செலவுகளுக்காக, மடத்தின் முன்னாள் சீடரான நித்தியிடம் உதவி கேட்டபோது, அவர்  ஒரு கோடியே 98 லட்சத்தைக் கொடுத்தார். அப் போது மடத்தில் ஏதாவது பொறுப் பில் இருந்தால்தான் தனது வெளி நாட்டு நிதியை இங்கே கொண்டுவர முடியும் என்று அவர் சொன்னதால், அவரை மடத்தில் சேர்த்துக்கொண் டோம். அதற்கான ஒப்பந்தம் கூட காலாவதி ஆகிவிட்டது.

ஆனால் நித்தியோ எங்கள் மடத்தை எல்லாம் கைப்பற்றுவ திலேயே குறியாக இருக்கிறார். நித்தி ஆட்களோ, நான் தூங்கும்போது விஷ வாயுவை சுவாசிக்கச் செய்து கொல்லப் பார்த்தார்கள். இதற்காக நான் மருத்துவமனையில் சிகிச்சை எடுத்துக்கொண்டிருந்தபோது, இங் கே ஆக்கிரமிப்பில் இறங்கி னார்கள். எங்கள் உடலில் உயிர் இருக்கும்வரை நித்தி யால் எங்கள் மடத்தை ஆக்கிரமிக்க முடியாது” என்றார் அழுத்தமாக.

டி.எஸ்.பி. ஆசைத்தம்பி “”டிசம் பர் 11 வரை அவர்கள் தங்கியிருக்க கோர்ட் ஆர்டர் உள்ளதால் எங்களால் எதுவும் செய்ய முடியவில்லை” என்கிறார் நம்மிடம்.

நித்யானந்தா தரப்புக் கும் எதிர்த்தரப்புக்குமான சட்டரீதியான மோதல்கள் தீவிரமாகியுள்ளன.

கலர்ஃபுல் பா.ஜ.க கலைக்குழு

சட்டமன்றத் தேர்தலுக்கு முழுவீச்சில் தயராகி வருகிறது தமிழக பா.ஜ.க. ராமர் கோவில், பசு தெய்வம், பள்ளிகளில் சமஸ்கிருதம் போன்ற “தேசியக் கொள்கைகள் தமிழகத்தில் வேலைக்கு ஆகாது என்பதால் சினிமா கவர்ச்சியில் கவனம் குவித்துள்ளது.

பிரபல வங்காள நடிகை ஸ்மிருதி இரானி மத்திய மந்திரியாக உள்ளார். இந்தி நடிகை ஹேமமாலினி எம்.பி.யாக இருக்கிறார். போஜ்புரி மொழி நடிகரைக் கூட விட்டு வைக்காமல் பி.ஜே.பி.யில் சேர்த்திருக்கிறார்கள். கன்னடத்தின் குணச்சித்திர நடிகை மாளவிகா, தெலுங்கு சினிமாவின் ஜமுனா, நரேஷ், மலையாள முன்னணி நடிகர் சுரேஷ்கோபி என பி.ஜே.பி.யில் சேர்ந்த நட்சத்திரங்களின் பட்டியல் நீண்டு கொண்டே போகிறது. அவர்களுக்கு கௌரவமான பதவிகளும் வழங்கப்பட்டுள்ளன.

அந்த வகையில் பா.ஜ.க.வில் இணைந்த தமிழக சினிமா பிரபலங்களுக்கு முக்கியத்துவமான பொறுப்புகளை வழங்கி பட்டியலை வெளியிட்டுள்ளார் தமிழக பா.ஜ.க.தலைவர் தமிழிசை சௌந்தரராஜன்.

தி.மு.க.மீது கோபம் கொண்டு, மோடி-அமித்ஷா முன்னிலையில் கடந்த பாராளுமன்றத் தேர்தலின் போது  பா.ஜ.க.வில் இணைந்தார் நடிகர் நெப்போலியன். அவருக்கு மாநிலத் துணைவர் பதவி வழங்கப்பட்டுள்ளது. பிரபல இசை அமைப் பாளரும் இயக்குனருமான கங்கை அமரன் கலைப்பிரிவின் புரவலர், டி.வி.சீரியல்கள் தயாரிப்பாளரும் நடிகையுமான குட்டி பத்மினி பிரச்சா ரப் பிரிவின் மாநிலத்துணைத் தலைவர், கலைப்பிரிவின் மாநிலச் செயலாளராக நடிகை காயத்ரி ரகுராம், துணைத் தலைவராக இயக்குனர் கஸ்தூரி ராஜா எனப் பொறுப்புகளை வழங்கி சினிமா பிரபலங்களை பிரச்சாரத்திற்கு தயார்படுத்தி வருகிறார் தமிழிசை.

பொறுப்பு கிடைத்தவர்கள் என்ன சொல்கிறார்கள்?

கங்கை அமரன் : எனக்கு இவ்வளவு பெரிய பொறுப்பு வழங்கியதற்கு அகில இந்திய தலைமைக்கும் தமிழகத் தலைவர் தமிழிசை மேடத்துக்கும் நன்றி. 1950-களிலிருந்தே கம்யூனிஸ்ட் கட்சிக்காக எங்க குடும்பமே பிரச்சாரம் செய்தது எல்லாருக்கும் தெரிந்த சங்கதிதான். இப்ப எனக்கு வழங்கப்பட்டுள்ளது பா.ஜ.க. கலைப்பிரிவின் புரவலர் பதவி. இதை நான் அர்த்தமுள்ளதாக ஆக்கவேண்டும். இப்பல்லாம் குடும்ப உறவு முறைகள் கொஞ்சம் கொஞ்சமாக விலகிப் போய்க்கிட்டிருக்கு. மனித மனங்களுக்குள் ஒரு வெறுமை உட்கார்ந்திக்கிட்டிருக்கு. அந்த வெறுமையைத் துரத்தியடித்து, உறவின் மகிமையை, அன்பின் ஆத்மார்த்தத்தை விளக்கும் விதமாக கச்சேரி பண்ணணும்னு ஐடியா இருக்கு. இதை நான் மட்டும் தனியா பண்ணப்போறதில்ல. எத்தனையோ பிரச்சாரப்பாடகர்கள், இசைக் கலைஞர்கள், வீதி நாடகக் கலைஞர்கள் பசியிலும் பட்டினியிலும் வாடி வதங்கிக் கொண்டிருக்கிறார்கள்.  அவர்களுக்கு வாழ்வளிக்கும் விதமாக அகில இந்தியத் தலைமை, தமிழகத் தலைமை இவற்றின் ஒப்புதலோடு ஒரு பிரச்சாரக் குழுவை ஏற்படுத்தி, சட்டமன்றத் தேர்தலின் போது தமிழகம் முழுக்க பிரச்சாரம் செய்யும் ஐடியா உள்ளது.

நடிகை குட்டிபத்மினி : மூன்று வருடங்களுக்கு முன்னால நெல்லையில் நிதின்கட்காரி, சுஷ்மாஸ்வராஜ் முன்னிலையில் கட்சியில சேர்ந்தேன். சேர்ந்ததுமே தலைவர் கலைஞரிடம் விஷயத்தைச் சொன்னேன். “”உனக்கு எது சரின்னுபடுதோ அதை செய்”னு ஆசிர்வாதம் பண்ணினார். நான் எப்பவுமே நெகட்டிவான பக்கங்களை யோசிக்கிறதில்ல. பிரதமர் மோடி அவர்களின் ஆட்சியின் சிறப்புகளையும் தமிழிசை மேடம் தலைமையிலான தமிழக பா.ஜ.கவின் பெருமைகளையும் தான் தேர்தல் கூட்டங்களில் பேசுவேன். தலைவர் கலைஞரையோ, தளபதி ஸ்டாலினையோ, சி.எம்.மேடத்தையோ பற்றி ஒரு வார்த்தைகூட எதிராகப் பேசமாட்டேன்.

நடிகை காயத்ரி ரகுராம்  தற்சமயம் அமெரிக்காவில் இருப்பதால் அவரின் கருத்துக்களைப் பெற முடியவில்லை. அதுபோலவே அமெரிக்காவில் இருந்து திரும்பியதும் கண்டிப்பாக நேரில் அழைத்துப் பேசுவதாக, தனது அரசியல் பி.ஏ.சீத்தாராமன் மூலம் நமக்குத் தகவல் அனுப்பியுள்ளார் நடிகர் நெப்போலியன்.

2016 தமிழக தேர்தல் களத்தில் பா.ஜ.க.வின் கவர்ச்சிக் கலக்கல் கலர்ஃபுல் நிகழ்ச்சிகளுக்குப் பஞ்சமிருக்காது.

சென்னை அம்பத்தூர் தொழிற்பேட்டை அபாயம்

மக்களின் வாழ்வைப் புரட்டிப்போட்ட மழை-வெள்ளம் தொழிலகங்களையும் விட்டுவைக்க வில்லை. காமராஜர் ஆட்சியில் தொடங்கப்பட்ட,   இரண்டு லட்சத் துக்கும் மேற்பட்ட தொழிலாளர் களை வாழவைத்துக் கொண்டி ருக்கிற தமிழகத்தின் முதல் பெரிய தொழிற்பேட்டையான சென்னை அம்பத்தூர் தொழிற்பேட்டையே அதற்கு சாட்சி.

தொழிற்பேட்டைக்குள் நாம் மூக்கை பொத்திக்கொண்டு தான் செல்ல வேண்டியிருந்தது. வெள்ளநீருடன் சாக்கடை, இரசாயனக்கழிவுகள் கலந்து விஷநீராக மாறியிருந்தது. ஆவின் பால்பண்ணை ஒருவாரமாக மூடிக் கிடக்கிறது. தொற்று நோய் அபாயம் தெரிகிறது. தொழிலாளர்கள் வரமுடியாததால் உற்பத்தி பாதிக்கப்பட்டுள்ளதை கவலையுடன் சுட்டிக்காட்டுகிறார் தெற்கு பகுதியில் அமைந்திருக்கும் கம்பெனி முதலாளி அசோக். கம்பெனிக்குள் புகுந்த கழிவுநீரை வாரி இறைத்துக் கொண்டி ருக்கிறார் தொழிலாளர் முனுசாமி.

அம்பத்தூர் இண்டஸ்ட்ரியல் எஸ்டேட் மேனுஃபேக்சரிங் அசோசியேஷனின்  (AIIMA) பெயர் வெளியிட விரும்பாத நிர்வாகி நம்மிடம் நிலவரத்தை விளக்கினார். “”எந்திரங் களில் தண்ணி புகுந்து எல்லாமே ரிப்பேர் ஆகிக்கிடக்கு. இதனால், 500 கோடியிலிருந்து 600 கோடிக்குமேல் நஷ்டமாகியிருக்குங்க. தண்ணீரை விரைவா வெளியேற்ற நடவடிக்கை எடுக்கணும். வெள்ளத்தால் பாதிக்கப் பட்டு நஷ்டமாகிக்கிடக்குற கம்பெனி கள் அரசுக்கு செலுத்தவேண்டிய விற்பனைவரி, ஈ.எஸ்.ஐ., பி.எஃப்., கலால்வரி, மின்சாரவரி உள்ளிட்ட பணத்தொகைகளை செலுத்த 6 மாத காலம் அவகாசம் கொடுக்கணும். நெடுஞ்சாலைகளில் சிக்கியுள்ள பட்டரை அதிபர்களுக்கு குறைந்த வட்டிவிகிதத்தில் கடன் வழங்க வங்கிகளுக்கு அறிவுரை வழங்கணும். இதிலே கொடுமை என்னன்னா, வெள்ளத்தால் பழுதான எந்திரங்களுக்கு இன்சூரன்ஸ் க்ளைம் பண்ணுறதே பெரும்பாடா இருக்குது.

70 கோடி ரூபாய் செலவில் கட்டப்பட்ட மழைநீர் வடிகால் மற்றும் கழிவுநீர் அகற்றுவதற்கான கட்ட மைப்பு பழுதாகிக் கிடக்குது. 10 கோடி ரூபாய் நிதி ஒதுக்கி சரி பண்ணினாத்தான் அம்பத்தூர் தொழிற்பேட்டை பகுதிகளில்  பாதித்துள்ள வெள்ளநீரை அகற்றமுடியும்.

அம்பத்தூர் ஏரியிலிருந்து தொழிற் பேட்டை வழியாக கொரட்டூர் ஏரிக்கு செல்லும் வெள்ளநீர் போகும் கால்வாய்களை இன் னும் ஆழமாகவும் அகலமாகவும் சீர் செய்யணும். அம்பத்தூர் ஏரியி லிருந்து மதுரவாயல் நோக்கி தென்கிழக்காக மாதனாகுப்பம் வழியாக புதிய வடிகால்  உருவாக்கப்பட்டது. இப் படி, ஒரே திசையில்  வெள்ள நீர் வெளியேற் றப்படுவதை தடுத்து வெவ் வேறு திசைகளில் வெளி யேற்றணும். இதுகுறித்து அண்ணா பல்கலைக்கழகம் செய்த ஆய்வையும் கணக்குல எடுத்துக்கணும்.  அம்பத்தூர் ஏரியிலிருந்து கொரட்டூர் ஏரிக்கு அனுப்பவேண்டிய வெள்ள நீரை “அம்பத்தூர் தொழிற்பேட்டை’க்குள் விட்டதுதான் இவ்வளவு பெரிய ஆபத்துக்கும் காரணம். இதைத் தடுக்க,   “கட் அண்ட் கவர் ஸ்லேப்’ எனப்படும் மூடிய நிலையிலுள்ள கால் வாய்களை அமைக்கணும். மேலும், ரயில்வே நிலையங்களையொட்டி செல்லும் கால்வாய்களை சீர்படுத்தணும்.

தேசிய நெடுஞ்சாலை ஆணையம் ஏற்கனவே இருந்த சாலையை 1 மீட்டருக்கும் உயரமா  சீரமைத்துவிட்டதால் கம்பெனி கட்டடங்கள் பள்ளத்தில் போய்விட்டன. அத்திப்பட்டு பகுதியிலிருந்து வெளியாகும் வெள்ளநீர் வடிகாலுக்கு திருப்பிவிடுவதற்கு பதிலாக தொழிற்பேட்டையில் மேற்கு பகுதியான பட்டரவாக்கம், கொரட்டூர் பகுதிகளில் வெளியேற்றி அங்கும் பாதிப்பு. அம்பத்தூர் ஏரியின் உபரிநீரை அயப்பாக்கம் வழியாக கால்வாய் மூலம் மதுரவாயலுக்கு திருப்பிவிட்டால்தான் பிரச்சினை தீரும்.

குஜராத்தில் வழங்குவதுபோல, எம்.எஸ்.எம்.இ. (சிறு -குறு மற்றும் நடுத்தர நிறுவனங்கள்)  பட்டறைகளில் வசூலிக்கப்படும் சொத்துவரியில் ஒரு பங்கை மாநகராட்சி எங்களுக்கு கொடுத்தா கட்டமைப்பு வசதிகளை சி.ஏ. ஏ.ஐ.ஐ.ஜ.சி. மூலம் மேம்படுத்திப்போம். இதை மாநகராட்சியிடமிருந்து பெற்றுத்தர வேண்டிய சிட்கோ நிர்வாகம் கவனிக் கணும். வெள்ள மீட்பு மற்றும் நிவாரணப் பணிகளில் எங்க எய்மா அமைப்பு தீவிரமா செயல்பட்டுக்கிட்டிருக்குது” என்றார் விரி வாக.

மாநகராட்சி (காங்கிரஸ்) கவுன்சிலர் தமிழ்ச்செல்வன் நம்மிடம், “”அம்பத்தூர் ஏரி ஆக்கிரமிப்பு செய்யப் பட்டுவிட்டது.  அரசியல் வாதிகளின் ஆக்கிரமிப்புகளை கண்டிக்கவேண்டிய வருவாய் அலுவலகம், கிராம நிர்வாக அலுவலகம், தாலுக்கா அலு வலகம், உதவி ஆணையர் அலுவலகம், மின்சார வாரி யம் என அரசு அலுவலகங் களே ஏரியை தூத்துதான் கட்டப்பட்டுள்ளன.  இப்படி யிருந்தால் தண்ணீர் எங்கே போகும்? ஆக்கிரமிப்புகளை அகற்றினால் கால்வாய் தூர் வார 1000 கோடி நிதி ஒதுக்கு வதாக உலகவங்கி சொல்லி விட்டது. ஆனால், ஆக்கிரமிப்பு களை அகற்றமுடியாமல்  திணறி வருகிறது அரசாங்கம்” என்று சுட்டிக்காட்டுகிறார்.

“”தொழில் வளர்ந்தால் தான்  தொழிலாளர்கள் நன் றாக இருக்கமுடியும். தொழிலாளர்கள் வளமாக இருந் தால்தான் சமுதாயம் நன்றாக இருக்கும்”’- அம்பத்தூர் தொழிற் பேட்டை வெள்ள பாதிப்பை பார்த்துவிட்டு மத்திய இணை அமைச்சர் நிர்மலா சீதாராமன் பேசியது தான் இது. மத்திய-மாநில அரசுகளுக்கும் இது தெரியுமா என்பதை இனி எடுக்கும் நடவடிக்கைகளில்தான் தெரியும்!

கடிதத்தை தண்டவாளம் அருகே வைத்துவிட்டு, எதிரில் வந்த ரயில் மீது பாய்ந்து உயிரைத் துறந்தார் செந்தூரன்

உலகத் தமிழர்கள் நவம்பர் 26-ஆம் நாள் பிரபாகரன் பிறந்த நாளைக் கொண்டாடிய வேளையில், காலை 7.45 மணி யாழ்ப்பாணம் கோண்டா ரயில் நிலையத்திற்கு வந்த  18 வயது மாணவர் இ.செந்தூரன், ‘”இலங்கை சிறையில் அடைக்கப் பட்டுள்ள தமிழ் அரசியல் கைதி களை விடுதலை செய்யுங்கள்’’என்ற தன் கடிதத்தை தண்டவாளம் அருகே வைத்துவிட்டு, எதிரில் வந்த ரயில் மீது பாய்ந்து உயிரைத் துறந்தார்.

ஈழத்தமிழர்களை மட்டுமல்ல, இலங்கையில் உள்ள மனிதநேயர்கள் எல்லோரையும் அதிர வைத்துவிட் டது செந்தூரனின் உயிர்க்கொடை. “”இலங்கை அரசு சகல அரசியல் கைதிகளையும் விடுதலை செய்ய வேண்டும்” என்கிறார் வட மாகாண முதலமைச்சர் சி.வி.விக்னேஸ்வரன். இலங்கை அமைச்சர் சந்திம வீரக் கொடி, “”மாணவனின் மரணத்திற்காக பலவீனமான முடிவுகளை எடுக்க வேண்டியதில்லை” என்கிறார் வீம் பான குரலில்.

ஈழத்தின் தற்போதைய நிலவரம் குறித்து அந்த மண்ணைச் சேர்ந்த எழுத்தாளரும் பத்திரிகையாளரு மான சோமிதரனிடம் கேட்டோம். “”தமிழ் அரசியல் கைதிகள் விடுதலை கேட்டு சிறைகளில் தொடர் உண்ணாவிரதம் இருந்தனர். இதை யடுத்து அரசின் அமைச்சர்கள் குழு நடத்திய பேச்சுவார்த்தையில் நவம்பர் 8-ல் முதற்கட்டமாக 32 கைதிகளை மட்டும் பிணையில் விடுகிறோம் என ஜனாதிபதி ஒப்புதலுடன் அறிவிப்பு வந்தது. ஆனால்,  நீதிமன்றம்  பல நிபந்தனைகளை விதிக்கவே, அரசியல் கைதிகள் வெளி வருவதில் தடை ஏற்பட்டது. கடைசி நம்பிக்கையும் தோற்கும் சந்தர்ப்பங்களில்தான், இறுதியாக தற்கொலை மரணம் நிகழுகிறது. அப்படித்தான் மாணவன் செந்தூரன் தற்கொலையைப் பார்க்கிறேன்”’ என்றவர் ஈழ அரசியல் நிலையையும் சுட்டிக்காட்டத் தவறவில்லை. “”ஐ.நா. மனித உரிமை ஆணையம் பரிந்துரைத்தபடி பன்னாட்டு நீதிமன்ற விசாரணைக்கான கட்டமைப்பு வேலைகளை இலங்கை அரசு தொடங்கவில்லை” என்கிறார் சோமிதரன்.

உள்நாட்டு யுத்தத்தின் கொடூர மும், அதற்குப் பிந்திய புனரமைக்கப் படாத சூழலும்தான் செந்தூரன் தன்னைத் தானே மாய்த்துக்கொள்ள காரணமாக அமைந்துள்ளது. இலங்கையில் ஆட்சிதான் மாறியுள்ளதே தவிர, தமிழர்களின் வாழ் நிலை மாறவில்லை.

மறுபடியும் வெடிக்கும் போலி முத்திரைத்தாள்

நாசிக்கில் பணம் மற்றும் முத்திரைத்தாள் அச்சிடும் இடத்தில் உள்ள ஊழியர்களை கைக்குள் போட்டுக்கொண்டு, போலியாக முத்திரைத்தாள் தயாரித்து, அதை அரசு நிறுவனங்களுக்கு  விற்பனை செய்த பலே கிரிமினல் அப்துல் கரீம் தெல்கியை மறக்க முடியாது.176 அலுவலகங்கள், 1000 ஊழியர்கள், 74 நகரங்களில் 123 வங்கி கணக்குகள் என அவனது நெட்வொர்க் அப்போது பரந்து விரிந்திருந்தது.  மிகப் பெரிய ஊழல் என்பதால், தெல்கிக்கு தண்டனை கிடைத்தது. 43 ஆயிரம் கோடி ரூபாய்க்கு போலி முத்திரைத்தாள் விற்கப்பட்ட 13 மாநிலங்களில் தமிழகமும்  அடங்கும். தெல்கியின் கூட்டாளிகளை தப்பவிட்ட வழக்கில் அன்றைய டி.ஐ.ஜி.முகமது அலி கைதானார்.

முதன் முதலாக ஜூன் 6, 1995-ஆம் ஆண்டு மகாராஷ்டிரா போலீஸ் தெல்கி மீது வழக்கு பதிவு செய்தது. 20 வருடங்கள் கழிந்த நிலையில்,  அருப்புக் கோட்டையில் வீரப்பன் என்பவர் அளித்த புகாரின் பேரில், இந்த போலி முத்திரைத்தாள் விவகாரத்தின் இன் னொரு பகுதி தாமதமாக வெளிப்பட்டு,  கடந்த 14-ஆம் தேதி வழக்காக பதிவாகியிருக்கிறது.

நம்மைச் சந்தித்தார் அருப்புக்கோட்டை நகராட்சியின் 16-வது வார்டு தி.மு.க. கவுன்சிலரான மதிவாணன்.

“”இங்கே சிவசங்கரன்னு ஆளும் கட்சி பிரமுகர் ஒருத்தர் இருக்காரு..  இந்த ஊருல இருக்கிற பெரிய சொசைட்டியான ஆர்.2 புளியம்பட்டி கூட்டுறவு சொசைட்டியோட தலைவர்..  இவரோட மனைவி அல்லிராணி முத்திரைத்தாள் விற்பனையாளரா இருந்தாங்க.. எனக்கும் சிவசங்கரனுக்கும் நிலம்  விஷயத்துல பிரச்சனை ஆச்சு. கோர்ட் வரைக்கும் இந்த விவகாரம் போனதுனால, ஒரு உண்மையை தெரிஞ்சிக்க முடிஞ்சது. 2004-ல் எங்கோ வாங்கிய போலி  முத்திரைத்தாளில் முன் தேதி யிட்டு,   அந்த நிலத்தை பிளாட் போட்டு 2002-ல் பதிஞ்சிருக் காங்க. கோர்ட்டிலிருந்து கிடைத்த நகலும் இதை ஊர் ஜிதப்படுத்தியிருக்கு. அரசு கருவூலத்தில் குறிப்பிட்ட முத்திரைத் தாள்களை அல்லிராணி கொள்முதல் செய்ததற்கான விபரங்கள் எதுவும் இல்லை. இதிலிருந்தே போலி முத்திரைத் தாள்களை தங்கள் இஷ்டத்துக்கு அல்லிராணி விற்றிருக்கிறார் என்பதை எங்களால் அறிய முடிந்தது.

சிவசங்கரனோட மனைவி அல்லிராணி தெல்கி ஏஜெண்ட்கிட்ட போலி முத்திரைத்தாள் வாங்கி விக்கிற வங்கள்ல ஒருத்தரா இருந்திருக்காங்க. இவங்ககிட்ட வாங்கி பதிவான அத்தனை ஸ்டாம்ப் பேப்பரையும் ஆய்வுக்கு உட்படுத்தினால் எவ்வளவு பெரிய மோசடி நடந்திருக்குன்னு தெரிய வரும். ஆளும் கட்சிங்கிறதால, ஹைகோர்ட் டைரக்ஷன் வாங்கிய பிறகுதான்,  சிவசங்கரன் மேல  லோக்கல் போலீஸ் ஸ்டேஷன்ல எப்.ஐ.ஆர். போட்டாங்க.  ஆனா… எந்த ஆக்ஷனும் எடுக்கல. முத்திரைத்தாள் மோசடில கிடைச்ச பணத்துல சிவசங்கரன் ரொம்பவும் தாராளம் காட்டினாரு. ஆமாங்க… முரசொலி பத்திரிகையை தீ வச்சு கொளுத்தி  ஜெயிலுக்கு போன உள்ளூர் அ.தி.மு.க.காரங்க 174 பேருக்கு, அவரோட சொந்த நிலத்துல ஆளுக்கு ஒரு கிரவுன்ட் இடத்தை இலவசமா தந்து பதிவு செஞ்சும் கொடுத்தாரு. அவங்க கட்சித் தலைவி ஜெயலலிதாவே இவரை ரொம்ப வாழ்த்தி, அறிக்கை விடற அளவுக்கு பெரிசாத்தான் பண்ணிட்டாரு. அப்புறம் எப்படி சிவசங்கரன் மேல போலீஸ் நடவடிக்கை எடுக்கும்?”’என்றார்.

அல்லிராணி சார்பில் அவரது கணவர் சிவசங்கரன் நம்மிடம் பேசினார். “”2001-ல் கொள்முதல் செய்த ஸ்டாம்ப் பேப்பர்ல 2002-ல் அந்த நிலத்தை பதிவு செய்திருக்கிறோம். 6 கோடி ரூபாய் பெறுமான நிலம். 2009-லிருந்து வழக்கு  நடக்குது. போலி ஸ்டாம்ப் பேப்பர்னு சொல்லி அந்த நிலத்தை அபகரிக்க முயற்சிக்கிறாங்க. இவங்க போலீஸ் ஸ்டேஷன்ல கொடுத் திருக்கிறது பொய் புகார்.. என் மேல சொல்லுற குற்றச்சாட்டை அவங்க கோர்ட்ல நிரூபிக்கட்டும்”’என்றார் ஆவேசத்துடன்.

“”போலியாக முத்திரைத் தாள்கள் தயார் செய்து, சட்ட விரோதமாக விற்பனை செய் திருக்கிறார்கள் என்று பதிவு செய்யப்பட்டிருக்கும் இந்த வழக் கில், குற்றம் சாட்டப்பட்டிருக்கும் அல்லிராணி, சிவசங்கரன் உள்பட 11 பேரும், முன்ஜாமீன் பெறும்வரை கைது நடவடிக்கை எதுவும் எடுக்க வேண்டாம் என்பது மேலிட உத்தரவாம்” என்று பரிதவிப்புடன் சொன்னார் வீரப்பன்.

அருப்புக்கோட்டை டவுன் காவல் நிலைய ஆய்வாளர் முருகேசனைத் தொடர்பு கொண்டோம். “”அதான் நடவடிக்கை எடுப்போம்னு அவங்க வக்கீல்கிட்ட சொல்லிருக்கேன்ல…”’என்றார் சர்வசாதாரணமாக.

கோடிகளில் ஊழல் என்ப தெல்லாம் நம் நாட்டில்  சகஜமப்பா!

தீபத் திருவிழாவில் அமைச்சர்கள் பின்னே… திமுகவினர் முன்னே..

தீபத் திருவிழாவில் அமைச்சர்கள் திகைத்து நின்றதுதான், இலைத் தரப்பில் தற்போது பரபர டாக்.
திருவண்ணாமலை கார்த் திகை தீபத் திருவிழா ஏக பிரசித்தமானது. இந்த வருட தீபத் திருவிழாவின்போது, ஏக கலாட்டாக் காட்சிகளை நம் மால் பார்க்க முடிந்தது. 500 ரூபாய் ஸ்பெஷல் டிக்கெட் வாங்கிய பக்தர்களை, பிரகாரத்தின் மாடிப் பகுதியின் ஒரு மூலையில் அமரவைத்துவிட்டனர். இதனால், பாத்ரூமுக்குக் கூடப் போக முடியாமல் 4 மணி நேரத்திற்கும் மேலாய் அவர்கள் பரிதாபமாக சிறைப்பட்டிருந் தனர். அதே சமயம் அரசு அதிகாரிகள் தங்கள் குடும்பத்தினரோடு முக்கிய பகுதியில்  அமர்ந்து, ஸ்னாக்ஸைக் கொறித்தபடி தரிசனம் பண்ணினார் கள். இதைப்பார்த்து ஏங்கிய பக்தர்கள் “”எங்களுக்குக் குடிக்கக்கூட தண்ணி கிடைக்கலை. அவங்களுக்குப் பாருங்க. ஹும்…”’என்று பெருமூச்சு விட்டனர்.

வழக்கமாக இதுபோன்ற நாளில் கோயில் முழுதும் பூ அலங்காரங்கள் சிறப்பாக இருக்கும். இந்தமுறை அது மிஸ்ஸிங். விசாரித்தபோது “”பூ அலங்கார உபயதாரர்களிடம் நிர்வாக அதிகாரிகள் அதிக கமிஷன் கேட்டதால், அலங்காரமே வேணாம்னு போயிட்டாங்க”’ என்றார்கள் கோயில் ஊழியர்கள்.

இப்படிப்பட்ட கூத்துக்களுக்கிடையே, வி.ஐ.பி.க்கள் பகுதியில் அ.தி.மு.க அமைச்சர்களான காமராஜ், விஜய பாஸ்கர், தோப்பு வெங்கடாசலம் ஆகி யோர் காத்திருக்க, தி.மு.க. பிரபலங் களான மாஜி கே.என்.நேரு, மாஜி  பிச்சாண்டி, எக்ஸ் எம்.பி சுகவனம், எக்ஸ் எம்.எல்.ஏ சேகர்பாபு, வடக்கு மா.செ சிவானந்தம் ஆகியோர் ஒரு டீமாக அங்கே வந்தனர். இவர்களைப் பார்த்த மந்திரிகளின் முகத்தில் ஈயாடவில்லை. இந்த நிலையில் தி.மு.க.தரப்பு கொடிமரம் அருகே வரும்போது, நெய்க் குண்டத்தில் தீபம் ஏற்றும் குடும்பத்தைச் சேர்ந்த ஒருவர், மாஜி நேருவைப் பார்த்துவிட்டு ‘””அண்ணே… வாங்கண்ணே… வாங்கண்ணே…”’என அலப்பறையாக அழைத்துத் தங்கள் பகுதியில் தி.மு.க. புள்ளிகளை நிற்கவைத்துக் கொண்டார். அங்கு அவர்களுக்குத் தரப்பட்ட மரியாதையைப் பார்த்து அமைச்சர்கள் நொந்துபோய்விட்டார்கள்.

இதேபோல், அர்த்தநாரீஸ்வரர் நெய்க்குண் டம் அருகே வரும்போது, கோயிலுக்குள் வெடி வெடித்து சிக்னல் கொடுப்பார்கள். அதைப் பார்த்து மலை மேல் 2688 அடி உயரத்தில் மகா தீபத்தை, அங்கு காத்திருப்பவர்கள் ஏற்றுவார்கள். ஆனால் இந்தமுறை முன்னதாக வெடிக்கப்பட்ட வெடிகளை சிக்னலாகக் கருதி, அர்த்தநாரீஸ்வரர் வரும் முன் பாகவே மகா தீபத்தை ஏற்றிவிட்டனர். எல்லாமும் தங்கள் கண் அசைவிலேயே நடக்க வேண்டும் என நினைத்த அமைச்சர்களுக்கு ஏமாற்றம் மிஞ்ச, தேர்தல் நேர சென்ட்டிமென்ட்டாக நினைத்து பதறிப்போயிருக்கிறார்கள்.

அஜீத் ரசிகர்களும், விஜய் ரசிகர்களும்..

அஜீத் ரசிகர்களும், விஜய் ரசிகர்களும் அடித்துக்கொண்டாலும் அவங்க ரெண்டு பேரும் ஒரு அண்டர்ஸ்டேண்டிங்ல இருக்காங்க பார்த்தியா?

என்ன பார்த்தியா?

“புலி’யில விஜய் வேதாளமா வர்றது தெரிஞ்சதும் அஜீத் படத்துக்கு “வேதாளம்’னு டைட்டில் வச்சாங்க.

இப்போ… “வேதாளம்’ படத்துல அஜீத் பேசுற “தெறிக்கவிடலாமா?’ டயலாக்கிலிருந்து விஜய் படத்துக்கு “தெறி’னு டைட்டில் வச்சிருக்காங்க.

“வேதாளம்’ டைட்டிலை விஜய் படத்திலிருந்து பிடிச்ச மாதிரிதான், “தெறிக்க விடலாமா?’ டயலாக்கையும் விஜய் படத்திலிருந்துதான் பிடிச்சாங்க. விஜய்யின் “கத்தி’ பட விளம்பரங்கள்ல “தெறி ஹிட்’, தெறி  வசூல்’னு தொடர்ச்சியா பயன்படுத்தியிருக்காங்க தெரியுமா!

இருந்தாலும் ஈகோ இல்லாம விஜய்ட்டருந்து அஜீத் டைட்டில் பிடிச்சுக்கிட்டாரே… அதப்பார்த்தியா?

இது நல்ல விஷயம்தான்!